Jeugdprinsenpaar 2015

2015 Bart en Irene

Ich ben jeugdprins Bart.
Zoon van Hans en Anita van den Kerkhof.
Ich kom oet ein gezin van driej.
Nao Vera en Mark ben ich de leste in de riej.

Op 27 December 2002 ben ich in Ell gebore.
En daomet eine echte Moereboek gewore.
In Ell richting Tungelder woeën ich op ein boorderiej.
Traktor rieje en boete zeen, daovan waer ich bliej.

Voetballe doon ich biej de D1.
Ell, Hunsel, Swartbrook, alles ongerein.
Veurig jaor allein veur de Prinsewaage, dit jaor d'r bovenop.
Deze Vastelaovendj weurdj hieëlemaol top.

Jarno is miene adjudant en beste kameraod
En met deze Vastelaovendj miene steun en toeverlaot.

Ich, jeugdprinses Irene, dochter van Paul Heijkers en Jelly van der Meulen.
Net als mien Pap en Mam ben ich auch de leste van 't gezin.
Miene pap is de jongste van Brunister Sjeng en Noenester Leen.
Mien mam is de jongste van Jan en Hilly van der Meulen.

Stan en Wietse zeen mien 2 groeëte breurs.Op 26 januari 2003 ben ich in Ell gebore.
En daonao ein echt Eller maedje gewore.
Auch al kumptj os Mam oet Frieslandj.
Ich veul mich echt toes in 't Moerelandj. Sporte doon ich hieël erg gaer.

Veur volleybal gaon ich dèk nao de gymzaal haer.
Tennis vinj ich auch ein sjieke sport.
Aan beweging kom ich dus niks te kort.
Auch inne meziek ben ich neet laks.
Want ich blaos mien melodiekes op unne coole Sax.

Floor is mien adjudante en beste vriendin.
Samen trekke wae 't Moerelandj in.

‘t Is veur mich en prinses Irene ein groeëte ieër om hiej get te zegge.
En dees belofte aan uch te moge aaflegge.
Jeugd-Prins Sander en jeugd-Prinses Dionne höbbe 't perfect veurgedaon,
Wie se d'r met Vastelaovendj tegenaan kins gaon.
Met os adjudante, de jeugdraod, de groeëte raod, en alle minse van Ell,

Gaon wae op stap door 't Moerelandj met de Kaolderbend en de kapel.
Sporte met unne bal zitj os in 't blood.
Det kinne wae allebei best waal good.
Wae trekke rondj "inne orde van ózze combi-bal"
Daorom is os motto deze Carnaval:

Net as biej 't voet- en volleyballe,
Gaon wae deze Vastelaovendj knalle.

 

combibal