Jeugdprinsepaar 2020

Ich, jeugdprins Teun, Zoon van Berend Geelen en Hanneke Coolen.

Ich, jeugdprinses Femke, Jóngste dochter van Ronald en Carolien van Rooij.

Wille uch t volgendje laote wete:

Same mèt jeugdprinses Femke wil ich gaer as jeugdprins Teun, veuropgaon in de tieëd van roeëd gael en greun.
Twieë jaor geleje heb ich t van dichtbie mit moge make. Toen haaj mien zus Noor as jeugdprinses belangrieke take. Dit jaor maag ich t gaon belaeve, en mich mèt die daag hieël gaon gaeve.

Ich bin gebore op 21 mei 2008, as echte Moereboeekzo asj gae waarsjienlijk al haatj verwachtj. Ich woeën op de Seringenstraat nr. 2 mit pap, mam, Noor en Saar. Op t veldj trap ich tegen ne bal en op maondjig speul ich gitaar. As drie Toppers lepe wae n paar jaor geleje veur t ieërst inne optocht t. De groep waerdje al gauw get groeëter en de eine nao de angere waerdje lid. Klusse ane ker, det zal dit jaor neet hove. Dit jaor gaon we oppe prinsewage hieëlemaol tot bove.
Naeve mich steit Noël, miene adjudant en kameraod. Det weurdjVastelaovundj veere bie os in de straot!

Ich vinj t sjoeën det ich hiej as jeugdprinses maag staon, en same mèt Teun de Vastelaovundj veurop maag gaon. Op 17 september 2008 bin ich op de Hunnissestraot gebore, en daomit n echt Moerebuukske gewore. Inne buurt vanne Pannestert woeën ich oppe boorderie.
Völ boete zeen maaktj michaltied hieël blie. Mèt mien breurs Tom en Rick en mien zös Janne, bin ichde lèste inne rie. Bie ós thoes is miene pony t sjoeënste bieëst, as ich kan rieje is dèt veur mich al ein groeët fieëst.
O
p wedstried gaon vinj ich kei vet, soms gaon ich nao hoeës mèt ne prieës of zoeget. Nog neet zoe lang geleje leep ich mèt mèt de majorette vanne Sjötterie. Allein mèt miene stek goeie, det kós ich nie! De lèste jaore laup ich mèt de optocht mèt as ne kleine Foetelier. Det vinj ich kei sjiek en doon ich mèt völ plezier. Dit jaorstaon wae mèt de jeugdraod oppe prinsewage en rieje door t Moerelandj. We gaon dr n sjoeën fieëst van make veur de minse ane kantj.
Mèt naevemich Renske as miene adjudant det duit mich hieël erg good. Vastelaovundj veere zitj biej heur femilie ouch in het blood

 Kris en Rose, gae höbtj indruk gemaaktj mèt eure vette beat en coole move! en gooftj de Vastelaovundj eure eigegroove‘.

Al stuiterendj zulle wae verder gaon en mèt os biste beinke veur gaonstaon. As os orde höbbe wae daorom ingestèldj: de stuiterbal!

Wae winse uch allemaol unne sjoeëne Vastelaovundj onger os motto:

Teun van ’t veldj

Femke oet de stal….

Same springe wie ne stuiterbal!