Prins 2015

2015 Paul

Ich, Prins Paul II, 64e prins vanne Moerebuuk, gebore en getoge in Ell.

Zoon van Jan van Thei vanne Bekker en Elly van Bus Pierre.

Al mieër den 13 jaor same met mien Prinses Joyce woe ich met samewoeën in ut Spargelheukske.

Met dees daag biejgestaon door ervaringsdeskundigen; mien adjudante oad Prins Bart II, oad Prins Chris I, oad jeugdprins Robert en heur dames Marjon, Petra en Odile.

In ut dageliks laeve wirkzaam in binne en boetelandj as machinedokter veur Bosch verpakkingsmachines.

Leefste en knapste leider van JWE, vriewilliger as ein van de spooke biej Stichting Spook.

Nog steeds same met F.V. de Brandjblussers teikenendj veur ut hoeëgste aantal puntje oets in de Elleroptocht.

Wins ich uch allemaol, groeët en klein, jonk en aod eine geweldjige vastelaovestied toe.

Ich verklaor bie de gratie van Groeëtvorst Jan, Vorst Renee, Vorst Henri en de Raod van Elf ’t volgendje:

Det ich same met mien Prinses Joyce, mien adjudante Bart, Chris en Robert en heur dames Marjon, Petra en Odile d‘r alles aan zal doon om deze vastelaovendj onvergeatelijk te make.

Det wea dit neet allein gaon doon mer same met de hieële Road van Elf vanne Moerebuuk en ouch de Jeugdprins Bart, Jeugdprinses Irene en heur adjudanten Jarno en Floor en de geweldjige jeugdraod.

Det wae met dees daag ut leefst veurop zulle gaon met zoeëveul meugelijk live blaosmuziek om os haer.

Det wae veur alle moeëre en moeërinne paraat zulle staon tiedens de vastelaovestied.

Det ich verwachtj vanne rest vanne Brandblussers det ze met zulle doon in de Elleroptocht.

Det ich ut neet erg vinj as Harm weer een leedje van k3 omschrieftj veur de bontjeaovendj.

Det Breeven vanaaf noe tot aan aswoonsdig de Prinsestraot zal heite.

Det ich met dees daag zal regere inne

Orde van de spanning(s)zeuker

En dit alles onger mien motto:

Mèt dees daag geit de geliekrichter aanne kantj en zètte wae piekspanning op 't Moerelandj

ALAAF!

 

orde prins Paul II