Prins 2018

2018 Wies

 

Ich, Prins Wies I , 67e Prins vanne Moerebuuk

Gebore op “Aod Luute”  as jongste dochter van Gert van Teun en Luute Wiek.

Opgegruudj, blieve woeëne en wérkzaam op “Luytenhof” ane Hoeëgstraot woeë desse mig dagelijks in mieën mélkvieëbedrieéf tösse ’t vieë en op ’t landj kins vinje, mieën lust en mieën laeve, det vinj ich sjiek.

 

Adjudante oetzeuke waas hieël gemékkelijk zoeë wie ‘t bleek.

Chantal, Marjan en Jolanda, 3 fantastische vrouwluuj, in vol ornaat.. mér zonger steek.

 

Same zeen wae 4 van de 15 Moeërehieëpe, woeëmet we dit jaor os 1x11 jaorig jubileum veere.

En de Hieëpe kinnendje, zulle ze os op meinige activiteiten mét heur aanwezigheid amusere.

 

Artiest oppe Éller Bontje Aovendj, veur de 25ste kieër dit jaor,

en daomet ben ich de kommendje jaore nog lang neet klaor.

 

Ein paar kieër per jaor zeetj gae mig door ’t dörp rieje met ein hoefkér wichter of ‘n ker vol mét kerstbuiïm gelaaje

Mig inzétte veur de jeugverreinigingen dao bén ich altieëd veur te paaje.

 

Veer kieër per jaor in ‘t Éller brook te vinje om minse s’nachts de stoepe op ’t lieëf te jage,

Det doon ich gaer, dao huuerse mig den oug neet euver klaage

 

Al jaore lid vanne melkvieë-studieklup det haoj ich gaer in ieëre,

En daobie bésse noeëts te aod om gét bie te lieëre

 

Bie de gratie van de Raod van Elf, Groeëtvorst Jan en Vorst Henri verklaor ich hiebie ut vondje:

Det ich same met mieën adjudanten Chantal, Marjan en Jolanda der alles aan zal doon om d’r eine geweldjige vastelaovendj van te make.

Det we dit same doon met de Raod van Elf, jeugdprins Milan en jeugdprinses Noor, adjudanten Mike en Doris en de jeugdraod.

Det wae os vanaaf noe tot aswoonsdig hieël zulle gaeve met zoveul meugelik live muziek van de geweldjige muzikanten die Ell riek is.

Det de Hoagstraot vanaaf noe Prinsestraot hetj.

Det de buurt “De Driehook” ut drök kriegtj met verseere.

Det de Moeërehieepe met optochtnummer 11 der hieël veur gaon om weer de “knauwelpries” te winne

En vanaaf murgevreug nao dèt ze bie mig verseerdj höbbe, met ut bouwe van unne waage gaon beginne.

 

De orde waat ich ingesteldj höp heet alles te make met de boorderie woeë ich opgegreutj ben en Mieën werk höp

Ich zal gaon regere in de orde van “Op Luute”.

Ich wil gaer aafsloete met uch eine te gekke vastelaovendj te winse en det alles onger mien motto

 

Gaotj uch lekker in dit fieëstje minge..

En laotj uch door niks en neemes vanne “Wies” bringe.

 

ALAAF